ମୁଖ୍ୟମନ୍ତ୍ରୀଙ୍କୁ ବ୍ଲକ ମାଗିଲେ ବିଜେଡ଼ି ନେତା

Feb 23 2025 8:21PM

(ବ୍ୟୁରୋ ରିପୋର୍ଟ) ଦିନକୁ ଦିନ ଟିଟିଲାଗଡ଼ ବ୍ଲକ କୁରସୁଡକୁ ବ୍ଳକ ଦାବୀ ଆନ୍ଦୋଳନ ତେଜିବାରେ ଲାଗିଛି । ବ୍ଲକ କ୍ରିୟାନୁଷ୍ଠାନ କମିଟି ତରଫରୁ ଏନେଇ ସଭା ସମିତି ଜୋରଦାର ହେବା ସହ ପ୍ରଶାସନ ନିକଟରେ ଲିଖିତ ଦାବୀ ଉପସ୍ଥାପନା କରାଯାଇଛି। ଏପରିପ୍ରେକ୍ଷୀରେ ଅଞ୍ଚଳବାସୀଙ୍କ ପକ୍ଷରୁ ବରିଷ୍ଠ ବିଜେଡ଼ି ନେତା ମୁକେଶ ଜୈନ ଏବଂ ନିମାଇଁ ଚରଣ ବେହେରା ଭୁବନେଶ୍ଵର ଠାରେ ରାଜ୍ୟ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ, ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାୟକ, ରାଜସ୍ଵ ଓ ପ୍ରାକୃତିକ ବିପର୍ଯ୍ୟୟ ମନ୍ତ୍ରୀ ସୁରେଶ ପୂଜାରୀ , ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ବଲାଙ୍ଗିର ଲୋକସଭା ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂହଦେଓ ଙ୍କ ସହିତ ସାକ୍ଷାତ କରି ବ୍ଳକ ପୁନର୍ଗଠନରେ କୁରସୁଡ ଗ୍ରାମ କୁ ନୂତନ ବ୍ଳକର ମାନ୍ୟତା ଦେବା ନିମନ୍ତେ ଦାବିପତ୍ର ପ୍ରଦାନ କରିବା ଚର୍ଚ୍ଚାର ବିଷୟ ହୋଇଛି। ଉଭୟ ନେତୃବୃନ୍ଦ ରାଜଧାନୀରୁ ଫେରିବା କୁରସୁଡ଼ ଫେରିବା ପରେ ବରିଷ୍ଠ ବିଜେଡ଼ି ନେତା ସଞ୍ଜୀବ ସାହୁ, ସମିତି ସଭ୍ୟ ଜୟ ପ୍ରସାଦ ନାଏକ, ମୁନା ସାହୁ, ଗୋବିନ୍ଦ ସାହୁ , ଦୁର୍ଯ୍ୟ ସାହୁ , ବ୍ଲକ ବିଜେଡ଼ି ଯୁବ ସଭାପତି ସୁଧିର ପଟ୍ଟନାୟକ , ସଞ୍ଜୀବ ଅଗ୍ରୱାଲ , ସୁମନ ନାଏକ, ପୁରୁଷୋତ୍ତମ ବେହେରା, ଧର୍ମପାଲ ବେହେରା ,ସନ୍ତୋଷ ବେହେରା ,ଉମେଶ ମହାନନ୍ଦ, ପାର୍ଥ ମହାନନ୍ଦ, ବିଘ୍ନରାଜ ନାଏକ ,ପାଣ୍ଡବ ମହାନନ୍ଦ ପ୍ରମୁଖ ଦଳମତ ନିର୍ବିଶେଷରେ ଅଞ୍ଚଳବାସୀ ଭବ୍ୟ ସମ୍ବର୍ଦ୍ଧନା ଜଣାଇଥିଲେ।

ପୁରା ଖବର ବିଷୟରେ