ମାଥିଲି ବ୍ଲକ ଶିରା ଗୁଡାଠାରେ ନୁତନ ମନ୍ଦିର ପ୍ରତିଷ୍ଟା

ମାଥିଲି ବ୍ଲକ ଶିରା ଗୁଡାଠାରେ ନୁତନ ମନ୍ଦିର ପ୍ରତିଷ୍ଟା

Feb 20 2025 11:35PM

(ବିକାଶ ପରିଛାଙ୍କ ରିପୋର୍ଟ) ମାଲକାନଗିରି ଜିଲ୍ଲାର ମାଥିଲି ବ୍ଲକ ଅନ୍ତର୍ଗତ ମେକ୍କା ଗ୍ରାମପଞ୍ଚାୟତର ଶିରାଗୁଡା ଗାଁ ଏକ ପ୍ରାଚୀନ ଏବଂ ପ୍ରସିଦ୍ଧ ଧାର୍ମିକ କ୍ଷେତ୍ର, ଯେଉଁଠି ମା ଭୈରବୀଙ୍କ ମନ୍ଦିର ଅଛି, ଯାହାକି ଆମ ଅଞ୍ଚଳ ର ଏକ ଶ୍ରଦ୍ଧାର ପୀଠ ଓ ଏହି ମନ୍ଦିର ଗ୍ରାମବାସୀମାନଙ୍କ ଭକ୍ତି ଏବଂ ସଂସ୍କୃତିର ପ୍ରତିକ ଭାବରେ ପରିଚିତ ଅଟେ। ଆଜି ନୂଆ କରି ନିର୍ମାଣ କରାଯାଇଥିବା ମନ୍ଦିର ଓ ପ୍ରାଣ ପ୍ରତିଷ୍ଠା ସହ ପ୍ରତ୍ୟେକ ଦେବ-ଦେବୀଙ୍କ ଆଗମନ ଓ ପୂଜାରୀମାନଙ୍କ ନିମନ୍ତ୍ରଣ ବହୁ ଆଡ଼ମ୍ବରେ ପାଳନ କରାଯାଇଥିଲା। ଏହି ଅବସରରେ ସ୍ଥାନୀୟ ସରପଞ୍ଚ ଶ୍ରୀମତୀ ରଞ୍ଜିତା ପୂଜାରୀ, ମୁଖ୍ୟ ସଚେତକ ଓ ସମାଜ ସେବୀ ସଦାଶିବ ପୂଜାରୀ, ନାଏବ ସରପଞ୍ଚ, ସମିତି ସଭ୍ୟ, ପୂର୍ବତନ ୱାର୍ଡ ମେମ୍ବର ରାମଦାସ ନାୟକ ଏବଂ ଅନ୍ୟମାନେ ଉପସ୍ଥିତ ଥିଲେ। ଏହି ଅବସରରେ ଗ୍ରାମବାସୀମାନେ ଏକତ୍ର ହୋଇ ଉଲ୍ଲାସପୂର୍ଣ୍ଣ ଭାବରେ ପୂଜା ଉତ୍ସବ ପାଳନ କଲେ। ଏହି ମନ୍ଦିରର ଉନ୍ନତି ଓ ନିର୍ମାଣରେ ପୂର୍ବତନ ବିଧାୟକ ଡ଼ମ୍ବୁରୁ ସିଶା ଏବଂ ପୂର୍ଣ୍ଣଚନ୍ଦ୍ର ବାକାଙ୍କ ଅବଦାନ ଗ୍ରାମବାସୀଙ୍କ ନିକଟରେ ସ୍ମରଣୀୟ। ଏହି ଅବଦାନ ପାଇଁ ଗ୍ରାମବାସୀ ଉଭୟ ବିଧାୟକଙ୍କ ପ୍ରତି ଚିରଋଣି।

ପୁରା ଖବର ବିଷୟରେ