ମୁଣ୍ଡାରୀଵାନି ବିଦ୍ୟାଳୟ ଆନୁଷ୍ଠାନିକ ଭାବେ ଉଦଘାଟିତ ।

Feb 17 2025 7:13AM

(ନିରଞ୍ଜନ ମହନ୍ତଙ୍କ ରିପୋର୍ଟ) ଖୁଣ୍ଟା ବ୍ଲକ ଅନ୍ତର୍ଗତ ଲକ୍ଷ୍ମଣାସାହି ଗ୍ରାମପଞ୍ଚାୟତ ଅଧୀନ କେଣ୍ଡୁଗାଡି ରାଜସ୍ବ ଗ୍ରାମର ଭାଦୁଶୋଳ (ଘୁଷୁରିଆସାହି) ଗ୍ରାମରେ ଆନୁଷ୍ଠାନିକ ଭାବେ ଉଦଘାଟିତ ହୋଇଛି ମୁଣ୍ଡାରୀବାନୀ ବିଦ୍ୟାଳୟ । ଏହି ଅବସରରେ ଛାତ୍ର ଛାତ୍ରୀ ମାନଙ୍କୁ ମୁଣ୍ଡାରୀ ବାନୀ ବର୍ଣ୍ଣବୋଧ ପୁସ୍ତକ ବଣ୍ଟନ କରାଯାଇଅଛି । ଉକ୍ତ ଉଦ୍ଘାଟନୀ ଉତ୍ସବରେ ଛାତ୍ର ଛାତ୍ରୀ ମାନଙ୍କ ଅଭିଭାବକ, ଗ୍ରାମର ବୁଦ୍ଧଜୀବୀମାନେ ଏବଂ ମୁଣ୍ଡାରୀ ଭାଷା ସମନ୍ନୟ କମିଟିର ସକ୍ରିୟ ସଦସ୍ୟ ମାନଙ୍କୁ ନେଇ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏଥିରେ ଲକ୍ଷ୍ମଣା ଗ୍ରାମପଞ୍ଚାୟତର ସରପଞ୍ଚ ଶ୍ରୀମତୀ ଚାନ୍ଦ ମଣି ସିଂ, ମୁଣ୍ଡାରୀ ଭାଷା ପରିଷଦ ସମ୍ପାଦକ ଶ୍ରୀ ବୁଦ୍ଧିଆ ସିଂ, ମୁଣ୍ଡାରୀ ଭାଷା ସମନ୍ନୟ କମିଟିର ପର୍ଯ୍ୟବେକ୍ଷକ ଶ୍ରୀ ଶଶିଧର ସିଂ, ଖୁଣ୍ଟା ବ୍ଲକ ଆବାହକ ଶ୍ରୀ ରାଙ୍ଗା ସିଂ, ସାଧାରଣ ସମ୍ପାଦକ ଇଞ୍ଜିନିୟର ସୁନାରାମ ସିଂ, ବଡ଼ସାହି ବ୍ଲକ ଆବାହକ ବୈଦ୍ୟନାଥ ସିଂ, ବଡ଼ପଥରା ଗ୍ରାମପଞ୍ଚାୟତ ଆବାହକ ଦୀପକ କୁମାର ସିଂ, ସଭାପରିଚାଳକ ସୁକୁରାମ ସିଂ ପ୍ରମୁଖ ଉପସ୍ଥିତ ରହି ମୁଣ୍ଡାରୀବାନୀ ବିଦ୍ୟାଳୟର ପରିଚାଳନା ଏବଂ ଆବଶ୍ୟକତା ଉପରେ ଗୁରୁତ୍ୱାରୋପ କରାଯାଇଥିଲା। ସର୍ବଶେଷ ରେ "ଲେପେଲ୍ ନାପାମ୍"ଅନୁଷ୍ଠାନର ଉପଦେଷ୍ଠା ଶ୍ରୀ ନନ୍ଦେ ସିଂ ସମସ୍ତଙ୍କୁ ଧନ୍ୟବାଦ୍ ଦେଇ ସଭା ଭଙ୍ଗ କରିଥିଲେ ।

ପୁରା ଖବର ବିଷୟରେ