Get Breaking News Alerts From Nutana Odsiha.We'll Update you latest news through the day
+91- 9853456396
Home
Breaking news
Events
Video gallery
Events gallery
Entertainment
Sports
Politics
Career
Contact Us
Home
Breaking news
Events
Video gallery
Event gallery
Entertainment
Sports
Politics
Career
Contact Us
ପୁରା ଖବର ବିଷୟରେ
ରାୟଗଡ଼ା ଜିଲ୍ଲା ନିୟମଗିରିର କାଡ୍ରାକାବଣ୍ଡଲି ଗ୍ରାମରେ ଉପଜିଲ୍ଳାପାଳଙ୍କ କୋଭିଡ ସଚେତନତା
May 21 2021 12:15AM
(ଓଡ଼ିଶା ବ୍ୟୁରୋ ହେଡ ଯୋଗେଶ୍ବର ଦାସଙ୍କ ରିପୋର୍ଟ) ରାୟଗଡା:- ମହାମାରୀ କରୋନାର ଦ୍ୱିତୀୟ ଲହରରେ ରାୟଗଡ ଜିଲ୍ଳାରେ ଦୈିନକ ସଂକ୍ରମଣ ବୃଦ୍ଧି ପାଉଥିବା ବେଳେ ଏହାକୁ ନିୟନ୍ତ୍ରଣରେ ରଖିବାକୁ ଜିଲ୍ଳା ପ୍ରଶାସନ ପକ୍ଷରୁ ଅହରହ ଉଦ୍ୟମ ଜାରି ରହିଛି । ତେବେ ଜିଲ୍ଳାର କଲ୍ୟାଣସିଂହପୁର ବ୍ଳକ ନିୟମଗିରି ପାହାଡରେ ବସବାସ କରୁଥିବା ଆଦିମ ଜନଜାତି ଡଙ୍ଗରିଆ ସଂପ୍ରଦାୟର ଲୋକେ ମଧ୍ୟ ଏଥିରେ ଆକ୍ରାନ୍ତ ହୋଇଥିବାରୁ ସେମାନଙ୍କ ପାଖେ ପ୍ରଶାସନ ପଂହଚି ସମସ୍ତ ପ୍ରକାର ସ୍ୱାସ୍ଥ୍ୟ ସେବା ବ୍ୟବସ୍ଥା ଉପଲବ୍ଧ କରିବା ପାଇଁ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । ଆଜି ରାୟଗଡ ଉପଖଣ୍ଡ ଉପଜିଲ୍ଳାପାଳ ପ୍ରତାପ ଚନ୍ଦ୍ର ପ୍ରଧାନ କଲ୍ୟାଣସିଂହପୁର ବ୍ଳକ ପାର୍ସାଲି ଗ୍ରାମ ପଂଚାୟତ ଅନ୍ତର୍ଗତ ନିୟମଗିରିର କାଡ୍ରକାବଣ୍ଡଳି ଗ୍ରାମକୁ ଯାଇ ଗ୍ରାମବାସୀଙ୍କୁ କୋଭିଡ ନିୟମ ପାଳନ ନିମନ୍ତେ ସଚେତନ କରିଥିଲେ । 150ରୁ ଉର୍ଦ୍ଧ ଜନସଂଖ୍ୟା ବିଶିଷ୍ଠ ଏହି ଗ୍ରାମରେ ବସବାସ କରୁଥିବା ଡଙ୍ଗରିଆ ସଂପ୍ରଦାୟ ଗ୍ରାମବାସୀଙ୍କୁ ସବୁବେଳେ ମାସ୍କ ପରିଧାନ କରିବା,ସାମାଜିକ ଦୂରତା ବଜାୟ ରଖିବା ସହ ହାତକୁ ନିୟମିତ ଭାବେ ସାବୁନରେ ଧୋଇବା ତଥା ସାନିଟାଇଜ କରିବା ଏବଂ ଜନଗହଳି ସ୍ଥାନରୁ ଦୂରେଇ ରହିବା ଆଦି କୋଭିଡ ନିୟମ ପାଳନ କରିବାକୁ ଉପଜିଲ୍ଳାପାଳ ଶ୍ରୀ ପ୍ରଧାନ ସମସ୍ତଙ୍କୁ କହିଥିଲେ । ଗ୍ରାମରେ କାହାକୁ ଜ୍ୱର,କାଶ,ଥଣ୍ଡା,ମୁଣ୍ଡବିନ୍ଧା ଭଳି ଲକ୍ଷଣ ଦେଖାଗଲେ ତୁରନ୍ତ ଆଶା ଦିଦି,ସ୍ୱାସ୍ଥ୍ୟକର୍ମୀମାନଙ୍କୁ ଜଣାଇବା ସହ ସ୍ୱାବ ଟେଷ୍ଟିଂ ପାଇଁ ସହଯୋଗ କରିବା ଏବଂ ନିୟମ ପ୍ରକାରେ ଚିକିତ୍ସା ନୀତିକୁ ମାନି ଚଳିବା ପାଇଁ ଉପଜିଲ୍ଳାପାଳ ଶ୍ରୀ ପ୍ରଧାନ ଗ୍ରାମବାସୀଙ୍କୁ ପରାମର୍ଶ ଦେଇଥିଲେ । ସେହିପରି ଗ୍ରାମରେ ଆସନ୍ତାକାଲି ଏକ ବାହାଘର ଭୋଜିଭାତର ଆୟୋଜନ ହେବାକୁ ଥିବା ବେଳେ କରୋନା କଟକଣା ମଧ୍ୟରେ କୈାଣସି ଭୋଜିଭାତ ନ କରିବା ପାଇଁ ଗ୍ରାମବାସୀ ତଥା ବିବାହ କାର୍ଯ୍ୟକ୍ରମ ଘର ପରିବାରଙ୍କୁ ସଚେତନ କରାଯାଇଥିଲା । କରୋନା ମହାମାରୀର ଭୟଭୟତାକୁ ହୃଦୟଙ୍ଗମ କରିପାରି ଭୋଜିଭାତ ଆୟୋଜନ ନ କରିବା ପାଇଁ ଗ୍ରାମବାସୀମାନେ ପ୍ରତିଶୃତି ଦେଇଥିବା ସହ ପ୍ରଶାସନ ତରଫରୁ କରାଯାଉଥିବା ସ୍ୱାବ ଟେଷ୍ଟିରେ ସହଯୋଗ କରିବେ ବୋଲି ମଧ୍ୟ ଗ୍ରାମବାସୀ ପ୍ରକାଶ କରିଥିବା ଜଣାପଡିଛି । ଆସନ୍ତାକାଲି ଠାରୁ ୭ଟି ମେଡିକଲ ଟିମ୍ ପକ୍ଷରୁ କାଡ୍ରାକାବଣ୍ଡେଲି ଗ୍ରାମ ସହ ଅନ୍ୟ ଗ୍ରାମଗୁଡିକର ଘର ଘର ବୁଲି ସର୍ଭେ କରାଯିବା ସହ ଜ୍ୱର,କାଶ,ଥଣ୍ଡା ଲକ୍ଷଣ ଥିବା ଲୋକଙ୍କୁ ଚିକିତ୍ସା ସେବା ଯୋଗାଇବା ପାଇଁ ବ୍ୟବସ୍ଥା କରାଯିବ ବୋଲି ଉପଜିଲ୍ଳାପାଳ ଶ୍ରୀ ପ୍ରଧାନ ପ୍ରକାଶ କରିଛନ୍ତି । ସେହିପରି ତେବାପଡା,ଜାମାପୁର ଓ ପାର୍ସାଲି ଗ୍ରାମକୁ ଯାଇ ମଧ୍ୟ ସେଠାରେ ଲୋକଙ୍କୁ ସ୍ୱାବ ଟେଷ୍ଟିଂରେ ସହଯୋଗ କରିବା ପାଇଁ ସଚେତନ କରାଯାଇଥିଲା । ଉପଜିଲ୍ଳାପାଳଙ୍କ ଏହି ଗସ୍ତ ସମୟରେ ପିଏ ଆଇଟିଡିଏ ଶ୍ରୀ ଟୁକୁ ବାରିକ,ପୂର୍ବତନ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ଜଳନ୍ଧର ପୁଶିକା, କଲ୍ୟାଣସିଂହପୁର ବିଡିଓ ଓ ସିଡିପିଓ ପ୍ରମୁଖ ଉପସ୍ଥିତ ରହିଥିଲେ ।