ଦୁର୍ଘଟଣାରେ ଜଣେ ମୃତ୍ୟୁ ଦୁଇ ଗୁରୁତର |

Nov 20 2024 7:20PM

( କଲ୍ୟାଣ ସିଂହପୁର ରୁ ପଦ୍ମନ ଭତ୍ରା ଙ୍କ ରିପୋର୍ଟ ) ରାୟଗଡା ଜିଲ୍ଲା କଲ୍ୟାଣ ସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତ ଟିକରପଡା ଗ୍ରାମର ତିନିଜଣ ଯୁବକ ମିଶି ସେରିଗୁମା ଗ୍ରାମର ନିଜ ସମ୍ପର୍କୀୟ ଘରକୁ ଯାଇଥିଲେ | ତିନିଜଣ ମିଶି ମଙ୍ଗଳ ବାର ଦିନ ନିଜ ଘରକୁ ଫେରୁଥିବା ବେଳେ ବୁଡ଼ାଗୁଡା ପଞ୍ଚାୟତ ବଲଦିଆ ଗ୍ରାମର ବୁଲାଣି ଠାରେ ଭାରସାମ୍ୟ ହରାଇ ଗଛକୁ ପିଟିହୋଇ ଦୁର୍ଘଟଣାରେ ଶିକାର ହୋଇଥିଲେ | ଏହାକୁ ସ୍ଥାନୀୟ ଲୋକ ଦେଖି ୧୦୮ ଆମ୍ବୁଲାନ୍ସ ସହ ଯୋଗାଯୋଗ କରି ସ୍ଥାନୀୟ ଶିକରପାଇ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ଡାକ୍ତର ପ୍ରାଥମିକ ଚିକିତ୍ସା ପରେ ମୁଣ୍ଡରେ ଅତ୍ୟଧିକ ମାଡ଼ ହୋଇଥିବାରୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟ କୁ ପଠାଇ ଦେଇଥିଲେ | ସେଠାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇଜଣ ମହେଶ୍ୱର ହୁଇକା,ମଧୁ ହୁଇକା ଗୁରୁତର ଭାବେ ଚିକିତ୍ସା ହୋଉଥିବା ଜଣାପଡିଛି | ମୃତ୍ୟୁ ଯୁବକ ଜଣକ ହୋଉଛନ୍ତି ଟିକରପଡା ଗ୍ରାମର ଶ୍ୟାମ୍ବା କାଡ୍ରାକା ଙ୍କ ପୁଅ ପତି କାଡ୍ରାକା ବୟସ ୨୭ ବୋଲି ଜଣା ପଡିବା ପରେ ସମଗ୍ର ସୁନାଖଣ୍ଡି ପଞ୍ଚାୟତ ଅଞ୍ଚଳ ରେ ଶୋକର ଛାୟା ଖେଳିଯାଇଛି |

ପୁରା ଖବର ବିଷୟରେ