ସ୍ୱତନ୍ତ୍ର ଘରବାରୀ ନିମନ୍ତେ ଜନ ଜାଗରଣ ମଞ୍ଚପକ୍ଷରୁ ତହସିଲଦାର ଙ୍କୁ ଦାବିପତ୍ର ପ୍ରଦାନ |

Nov 13 2024 10:58PM

( କଲ୍ୟାଣ ସିଂହପୁର ରୁ ପଦ୍ମନ ଭତ୍ରା ଙ୍କ ରିପୋର୍ଟ ) ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡା ପଞ୍ଚାୟତର ପଣସଗୁଡା ଗ୍ରାମର ଲୋକମାନେ ଜନଜାଗରଣ ମଞ୍ଚ ପକ୍ଷରୁ ଘରବାରି ପଟ୍ଟା ପ୍ରଦାନ କରିବା ନିମନ୍ତେ ତହସିଲଦାର ରଞ୍ଜନ କୁମାର ମାନସେଠଙ୍କୁ ଲିଖିତ ଅଭିଯୋଗ କରିଥିବା ଦେଖିବାକୁ ମିଳିଛି । ଆଜି ପଣସ ଗୁଡା ଗ୍ରାମର ପ୍ରାୟ ୩୦ରୁ ଉର୍ଦ୍ଧ୍ବ ପରିବାର ଦୀର୍ଘ ୩୦ବର୍ଷ ଧରି ବସବାସ କରି ଆସୁଛନ୍ତି । ସେହି ପରିବାରକୁ ଆଜି ପର୍ଯ୍ୟନ୍ତ ଘରବାରୀ ପଟ୍ଟା ନ ମିଳିବାରୁ ଜନ ଜାଗରଣ ମଞ୍ଚ ସହାୟତାରେ ଗ୍ରାମର ପ୍ରାୟ ୭୦ଜଣ ମହିଳା ପୁରୁଷ ଏକତ୍ରିତ ହୋଇ ରାଜସ୍ୱ ନିରୀକ୍ଷକ ଙ୍କ ନିକଟକୁ ଯାଇଥିଲେ । ସେଠାରେ କୌଣସି ଫଳପ୍ରଦ ନମିଳିବାରୁ ଆଜି ସ୍ଥାନୀୟ ତହସିଲ କାର୍ଯ୍ୟାଳୟ କୁ ଆସି ତହସିଲଦାର ରଞ୍ଜନ କୁମାର ମାନସେଠ ଙ୍କୁ ସାକ୍ଷାତ କରି ଲିଖିତ ଦାବିପତ୍ର ପ୍ରଦାନ କରିଥିଲେ | ତହସିଲଦାର କୌଣସି କାରଣରୁ ବାହାରକୁ ଯାଇଥିବା ଯୋଗୁଁ କାର୍ଯ୍ୟାଳୟ ପରିସରରେ ରେ ଥିବା ଡାକ ବାକ୍ସ ରେ ଅଭିଯୋଗ ପତ୍ର ପକାଇ ଏହି ସମସ୍ୟା ପ୍ରତି ଦୃଢ ଭାବେ ଦୃଷ୍ଟି ଗୋଚର କରି ସ୍ଥାୟୀ ସମାଧାନ କରାଯିବା ନେଇ ଲିଖିତ ଅଭିଯୋଗ ରହିଅଛି |

ପୁରା ଖବର ବିଷୟରେ