ନିୟମଗିରି ରେ ନିୟମରାଜା ପର୍ବ ଉଦଯାପିତ |

Feb 24 2025 5:50PM

( କଲ୍ୟାଣ ସିଂହପୁର ରୁ ପଦ୍ମନ ଭତ୍ରା ଙ୍କ ରିପୋର୍ଟ )ରାୟଗଡା ଓ କଳାହାଣ୍ଡି ସୀମାନ୍ତ ନିୟମଗିରି ପର୍ବତ ଶିଖର ଧଙ୍ଗଡ଼ାଭଟା ଠାରେ ଥିବା ଆଦିବାସୀଙ୍କ ଧରଣୀ ପେନୁରେ ତିନି ଦିନ ଧରି ଚାଲିଥିବା ନିୟମ ରାଜା ପରବ ଉଯାପିତ ହୋଇଯାଇଛି l ଗତ ୨୧.୨୨ ଓ ୨୩ ତାରିଖ ତିନି ଦିନ ଧରି ଚାଲିଥିବା ଏହି ପର୍ବ ନିୟମଗିରିରେ ବସବାସ କରୁଥିବା ଡଙ୍ଗରିଆ ଓ ଝରଣିଆ କନ୍ଧ ଆଦିବାସୀ ମାନେ ଦୀର୍ଘ ବର୍ଷ ଧରି ପାଳନ କରି ଆସୁଛନ୍ତି l ନିୟମଗିରି ପର୍ବତରେ ଏହି ଡଙ୍ଗରିଆ ଓ ଝରଣିଆ ଆଦିବାସୀ ମାନଙ୍କର ୧୧୨ ଟି ପଦର ଅଧୀନରେ ଅନେକ ଗ୍ରାମ ରହିଛି ଏବଂ ସେହି ଗ୍ରାମ ସବୁରେ ପ୍ରାୟ ୧୨ ହଜାର ଆଦିବାସୀ ବାସ କରନ୍ତି ଏହି ଆଦିବାସୀମାନେ ପର୍ବତ ଉପରେ କାଙ୍ଗୁ,ମାଣ୍ଡିଆ,କାନ୍ଦୁଲ, କମଳା,କଦଳୀ,ଅଦା,ହଳଦୀ, ସପୁରି ଆଦି ଚାଷ କରି ନିଜର ଜୀବିକା ନିର୍ବାହ କରନ୍ତି l କିନ୍ତୁ ବେଦାନ୍ତ କମ୍ପାନୀ ହାତରେ ଖଣି ଖନନ ପାଇଁ ସରକାର ନିୟମଗିରିକୁ ଟେକି ଦେବାକୁ ନେଇ ଏହି ଆଦିବାସୀ ମାନେ ଦୀର୍ଘ ଦିନ ହେଲା ବିରୋଧ କରି ଆସୁଛନ୍ତି l ତେଣୁ ସେମାନେ ନିୟମଗିରି ସହିତ ଜଳ,ଜମି ଓ ଜଙ୍ଗଲର ସୁରକ୍ଷା ପାଇଁ ପ୍ରତି ବର୍ଷ ନିୟମରାଜା ପରବ ଦିନ ଶପଥ ନେଇଥାନ୍ତି | ଏହି ଆଦିବାସୀଙ୍କ ନିୟମରାଜା ପରବରେ ପାଖା ପାଖି ଅଞ୍ଚଳ ରୁ ସହ ସହ ଲୋକ ଙ୍କ ସହିତ ରାଜ୍ୟ ଏବଂ ରାଜ୍ୟ ବାହାରରୁ ଅନେକ ସ୍ବେଛାସେବୀ ସଂଗଠନ ଯୋଗ ଦେଅନ୍ତି l ଏହି ପରବରେ ଧରଣୀ ପେନୁ ନିକଟରେ ପୋଢ଼ ସହିତ ଛେଳି, ମେଣ୍ଢା,କୁକୁଡ଼ା ଓ ପାରା ବଳି ଦିଆଯାଇଥାଏ,ଆଦିବାସୀମାନେ ସେମାନଙ୍କର ପାରମ୍ପରିକ ବାଦ୍ୟ ଓ ନୃତ୍ୟ ଗୀତରେ ଉତ୍ସବ ମନାଇଥାନ୍ତି l

ପୁରା ଖବର ବିଷୟରେ